نانا
عدد الرسائل : 343 العمر : 36 تاريخ التسجيل : 19/05/2008
| موضوع: نفسى اتخن السبت أغسطس 16, 2008 9:22 am | |
| لو نفسك تخسى او تتخنى تعالى يا ترى نفسك تخسي..!! ومش عارفة تبدأي ازاي؟...!! أو مترددة وقلقانة تروحي لدكتور يحرمك من "الشيكولاتة" و"البيتزا" و"الشيبسي" و"البيبسي" وكل اللي نفسك فيه..!! وزنك زاد ومش عارفة تلبسي حاجة تناسب سنك..!! بتنهجي وانت ماشية أو لما تطلعي سلم..!! يا ترى جربتي أكتر من ريجيم والحكاية برضه مش نافعة..! يا ترى بعد عذاب الريجيم والحرمان رجعت "ريمة لعادتها القديمة" واللي خسيتيه في شهور رجعتيه وأكتر في أسبوعين..!! أسئلة كتيرة ومشاكل أكتر بتواجهنا لما بنقرر نعمل "ريجيم"..! وعشان نبدأ "صح" و"بجد" كان من المهم إننا نستضيف الدكتور "محمد أبو الغيط" الأستاذ بكلية الطب جامعة القاهرة وسكرتير عام الجمعية المصرية الطبية لدراسة السمنة.. والمنضم حديثا إلى فريق "بص وطل" ليرد على أسئلة قرائنا الأعزاء وهانرفع معاه شعار "اخسر وزنك تكسب صحتك".. النحافة هي النقيض للسمنة وزي ما فيه ناس مشكلتها الوزن الزائد والدهون المتراكمة في كل مكان في الجسم... فيه ناس مشكلتها إنها مش عارفة تتخن رغم محاولاتها المتكررة لزيادة الوزن... وزي ما السمنة ممكن تسبّب إحراج لصاحبها النحافة كمان مشكلة قد تدفع البعض للانطواء وتشعره بالإحراج من الآخرين.... وعشان نفهم ونمشي صح معانا الدكتور "محمد أبو الغيط" هيكلمنا عن النحافة.. يا ترى النحافة لها أسباب مرضية..!!! النحافة مشكلة حقيقية... قد يكون وراءها سبب عضوي أو مرض ما أنيميا أو الشخص يكون مصاباً بالسكر أو عنده اضطرابات في هرمونات الغدة الدرقية ممكن يكون هرمون الغدة عالي جدًّا، وهو السبب في فقدان الوزن والنحافة، أو قد يكون هناك مشاكل في الجهاز الهضمي، أو قد يكون المريض مصاباً بأنواع من الأمراض المرتبطة بالديدان والطفيليات التي تؤثر بالسلب على امتصاص الجسم للأكل.. ولاكتشاف أي من هذه العوامل وراء النحافة لابد من إجراء تحاليل متكاملة ترصد بدقة الحالة الصحية للمريض؛ لأن العلاج والتخلص من المشاكل التي تعوق أجهزة الجسم المختلفة من الاستفادة من الأكل يساعد جداً في التخلص من النحافة والوصول إلى الوزن المثالي. لكن ممكن الشخص النحيف وبعد ما يعمل كل التحاليل المطلوبة يكتشف أنه سليم جداً ولا يعاني من أي مرض والحمد لله.. هنا الأسباب بتكون وراثية الأب أو الأم أجسامهم نحيفة، وبالتالي الأولاد عندهم نفس المشكلة. والحل..!! لو اكتشفنا المرض بنعالجه وخلاص مفيش مشكلة؛ لأن المريض خلاص تخلّص من المانع اللى بيحول دون زيادة وزنه.. لكن المشكلة الحقيقية لو كانت النحافة سببها وراثي ولا علاقة لها بأي أمراض.. وهنا بنلجأ إلى ما نسميه "التسمين" أو بناء الجسم وهي عملية صعبة جداً جداً يمكن التخسيس أسهل بكتير؛ لأن الهدم أسهل من البناء. علاج النحافة محتاج هدوء وصبر من المريض، ولا يستعجل النتيجة أبداً؛ لأن مشواره طويل ويقبل أي رقم يزيده حتى لو كانت الزيادة كيلو واحد في الشهر..!! لأن في حالة النحافة الكيلو إنجاز للمريض والطبيب.. بعض الأطباء يلجأ للرياضة لتكوين عضلات في الجسم لتغيير شكل الشخص بدلاً من الاعتماد فقط على زيادة نسبة الدهون في الجسم... الرياضة المكثفة وتحت إشراف متخصص ممكن تربي عضلات وتزيد من حجم بعض مناطق في الجسم بسهولة، وقد ترفع من معدل الزيادة الشهرية لتصل إلى 2 كيلو في الشهر وهي بالطبع الاتجاه الأفضل دون الاعتماد على الدهون فقط؛ لأنها ممكن ترفع نسبة الكوليسترول في الدم، وقد لا يزيد الوزن بل يصاب الشخص النحيف بمرض يكون مقدمة لأمراض أخرى مرتبطة بالضغط أو انسداد الشرايين على المدى الطويل.. هل تنصح بمكملات غذائية تساعد في علاج النحافة؟؟ لو التحاليل أظهرت نقصاً في عنصر ما أكيد الدكتور هيستعين بالمكمل الغذائي الناقص في الجسم أو بمجوعة من الفيتامينات لكن في أغلب الحالات هؤلاء الأشخاص لا يوجد لديهم نقص في أي عنصر غذائي. اتمنا انه موضوعى يفيدكم اختكم فالله نــــــــــــــانـــــــــــــا
| |
|
فجر
عدد الرسائل : 225 تاريخ التسجيل : 22/05/2008
| موضوع: رد: نفسى اتخن الثلاثاء سبتمبر 30, 2008 6:50 am | |
| يسلمو نانا علي الموضوع الجميل والحمد لله مش عايزه اخس ولا اتخن احمد ربي انا كده تمام ويارب يفيد ال نفسه يتخن بارك الله فيك اختك فجرر | |
|